Sabah 1200-dən çox şagird əlavə imtahan verəcək
07.09.2019 [20:14]
Dövlət İmtahan Mərkəzi (DİM) 2019-cu ilin buraxılış imtahanlarında üzrlü səbəbdən iştirak edə bilməyən şagirdlər üçün sentyabrın 8-də əlavə imtahan keçiriləcək.
DİM-dən AZƏRTAC-a bildirilib ki, buraxılış imtahanları Bakı və Gəncə şəhərlərində təşkil olunacaq. İmtahanlarda IX sinif buraxılış imtahanının I mərhələsi üzrə 668, II mərhələsi üzrə 443, XI sinif üzrə 120 şagirdin iştirakı gözlənilir. Bundan əlavə, Azərbaycan dilindən fərqli bölmə üzrə təhsil alan 58 şagird Azərbaycan dili imtahanı verəcək.
