Əvvəlki illərdə ümumi təhsil məktəblərini 9 və 11-ci təhsil səviyyəsi üzrə bitirə bilməyən şəxslər üçün eksternat qaydasında imtahanlar keçiriləcək. Bakı şəhəri üzrə eksternat imtahanları dekabrın 26 və 27-si paytaxtdakı 258 nömrəli tam orta məktəbdə təşkil olunacaq.
Qeydiyyat və sənəd qəbulu dekabrın 20-dək Bakı Şəhəri üzrə Təhsil İdarəsində aparılacaq.
Ərizələri BŞTİ tərəfindən qəbul edilmiş eksternlər dekabrın 24-ü və 25-də saat 10:00-dan 17:00-dək şəxsiyyət vəsiqələrini təqdim etməklə 258 nömrəli tam orta məktəbdən imtahana buraxılış vərəqələrini əldə edə bilərlər.