DİM tərəfindən 5, 12 və 19 aprel 2020-ci il tarixlərində 11-ci sinif şagirdləri üçün keçirilməsi nəzərdə tutulan buraxılış imtahanları təxirə salınıb, 16 mart – 14 aprel tarixlərində ali təhsil müəssisələrinə və 11 illik təhsil bazasında kolleclərə sənəd qəbulunun vaxtı isə dəyişdirilib. Bu barədə Dövlət İmtahan Mərkəzi məlumat yayıb. 11-ci sinif buraxılış imtahanları, eləcə də də martın 9, 15 və 29-da keçirilməli olan imtahanların vaxtı Nazirlər Kabineti yanında Operativ Qərargahın qərarlarına uyğun olaraq müəyyən ediləcək və bu barədə ictimaiyyətə əvvəlcədən məlumat veriləcək. Ali təhsil müəssisələrinə və 11 illik təhsil bazasında orta ixtisas təhsili müəssisələrinə sənəd qəbulunun martın 30-dan aprelin 27-dək aparılması nəzərdə tutulur.