Azərbaycanlı gənc mühəndislər koronavirusla mübarizə məqsədilə yeni süni tənəffüs aparatı hazırlayıblar. Sumaks Technologies şirkəti tərəfindən hazırlanan avadanlıqlar xəstəxanalarda, təcili tibbi yardım maşınlarında istifadə oluna bilər. Şirkətin elektronika mühəndisi Elgün Həsənov bildirib ki, bu cihazlari professional tənəffüs aparatları ilə müqayisə etmək düzgün deyil, minimal tələbləri ödəmək üçün nəzərdə tutulub. Hər-hansı fövqaladə hal olduqda, süni aparat avadanlıqları tükənərsə bu cihazlar alternativ vasitə kimi istifadə oluna bilər. Sumaks Technologies şirkətinin rəhbəri Cavid Məmmədov bildirir ki, TƏBİB-lə razılaşdırıldıqdan sonra bu avadanlıqlar ehtiyac olduğu qədər istehsal oluna bilər.