Şanlı Zəfər tariximizin bu günü Zəngilanın Ağalı kəndinin azad edilməsi ilə bağlıdır.
AZƏRTAC-ın bölgə müxbiri xəbər verir ki, 4 il öncə məhz bu gün, oktyabrın 28-də Ağalı kəndi işğaldan azad edilən digər yurd yerlərimizin sırasına qoşuldu. Böyük qayıdışın Cocuq Mərcanlı kəndindən sonrakı ünvanı da məhz Ağalı kəndi oldu. Qələbədən sonra tez bir zamanda Ağalı “Ağıllı kənd” konsepsiyası əsasında tamamilə yenidən qurulub və sakinlər öz evlərinə qayıdaraq, öz doğma-yurd yuvalarına qovuşub, yeni evlərində yeni həyata başlayıblar. Hazırda Ağalıda 175 ailə, 871 sakin yaşayır.