Son illər Azərbaycan ilə Çin arasında digər sahələrdə olduğu kimi humanitar istiqamətdə də münasibətlər inkişaf edir. Elm və təhsil ocaqlarının səmərəli əməkdaşlığı iki ölkə arasında əlaqələrin dərinləşməsinə öz töhfəsini verir. Çinin Xefey şəhərindəki nüfuzlu Anxoy Universitetində Bakı Dövlət Universitetinin (BDU) dəstəyi ilə açılan Azərbaycanşünaslıq Mərkəzi ölkələrimizin humanitar sahədə əməkdaşlığının parlaq nümunəsidir.