Fevralın 16-da Kiyevdə Qarabağ həqiqətlərinə həsr olunmuş və Ukrayna dilinə tərcümə edilmiş “Bayraqdar” kitabının təqdimat mərasimi keçirilib.AZƏRTAC xəbər verir ki, Azərbaycanın Ukraynadakı səfirliyinin təşəbbüsü və Xarkovdakı fəxri konsulluğunun dəstəyi ilə nəşr edilən kitabın Kiyevin tanınmış Aktyor Evində keçirilən təqdimat mərasimində xarici ölkələrin səfirləri, diplomatları, Ukrayna Prezident Ofisinin və Ali Radasının nümayəndələri, tanınmış yazıçılar, ictimai xadimlər, diaspor rəhbərləri, ali məktəblərin tələbələri, yerli KİV-lərin təmsilçiləri iştirak ediblər.