Siyəzən şəhərində 960 şagird yerlik dördmərtəbəli məktəb binasının inşası başa çatıb.
AZƏRTAC-ın bölgə müxbiri xəbər verir ki, Mikayıl Müşfiq adına Siyəzən şəhər 2 saylı tam orta məktəb üçün tikilən bina yeni tədris ilində müəllim və şagirdlərin istifadəsinə veriləcək.
Dörd korpusdan ibarət yeni məktəbdə 40 sinif otağı, kimya, biologiya və fizika laboratoriyaları, texnologiya, hərbi hazırlıq, informatika və hesablama texnologiyası kabinələri, idman və akt zalları, kitabxana, yeməkxana, inzibati otaqlar yaradılıb. Bina istilik, elektrik və müşahidə sistemləri ilə təmin edilib. Məktəbə yeni inventar və avadanlıqlar gətirilib.