Emin Əmrullayev: Siniflərin 0,4 faizində şagird sayı 40 nəfərdən çoxdur
07.09.2021 [16:41]
Xəbərin mətni
Azərbaycan məktəblərində ümumilikdə 85 min 626 sinif var. 49 min sinifdə şagird sayı 20 nəfərdən azdır.
AZƏRTAC xəbər verir ki, bunu təhsil naziri Emin Əmrullayev 2021-2022-ci tədris ilinin təşkili ilə bağlı brifinqdə deyib.
O bildirib ki, ümumi sinif sayının 23 faizində şagird sayı 21-25 arasındadır. Yalnız 311 sinifdə şagird sayı 40 nəfərdən çoxdur. Bu isə bütün siniflərin 0,4 faizini təşkil edir.
