Ümummilli Lider Heydər Əliyevin anadan olmasının 100-cü ildönümü münasibətilə Dövlət Təhlükəsizliyi Xidməti (DTX) tərəfindən “Heydər Əliyev və təhlükəsizlik orqanları” adlı növbəti tədbir Göyçay şəhərində təşkil edilib.
DTX-nin Mətbuat xidmətindən AZƏRTAC-a bildiriblər ki, tədbirdə Göyçay Rayon İcra Hakimiyyətinin başçısı Natiq Ağayev, DTX-nin rəhbər şəxsləri və əməkdaşları, şəhərin hüquq-mühafizə orqanlarının rəhbərləri, Milli Məclisin deputatları, təhlükəsizlik orqanlarının veteranları, Vətən müharibəsi iştirakçıları və rayon ictimaiyyətinin nümayəndələri iştirak ediblər.