Ötən gün axşam saatlarından Balakən və Zaqatala rayonlarda hava kəskin dəyişib, şiddətli küləklə müşahidə olunan qısa müddətli leysan xarakterli yağış yağıb. Nəticədə Zaqatala şəhəri və Moqov kənd inzibati ərazisində ağaclar yüksək gərginlikli elektrik naqillərinin üzərinə aşıb. Bir neçə elektrik dirəyi aşdığından bəzi ərazilərdə işığın verilməsində fasilələr yaranıb. Təbii fəlakətin yaratdığı fəsadların olduğu ərazilərdə qırılmış elektrik naqilləri və dirəklərin bərpa edilməsi istiqamətində hazırda işlər aparılır. Gün ərzində elektrik enerjisinin verilməsi bərpa olunacaq.