Şəmkirdə narkotik satışı ilə məşğul olan şəxs saxlanılıb
22.10.2024 [16:58]
Xəbərin mətni
Şəmkir Rayon Polis Şöbəsinin əməkdaşlarının həyata keçirdikləri əməliyyat zamanı narkotik vasitələrin satışı ilə məşğul olan, əvvəllər məhkum olunmuş İlqar Əliyev saxlanılıb.
Daxili İşlər Nazirliyinin mətbuat xidmətinin Gəncə regional qrupundan AZƏRTAC-ın bölgə müxbirinə verilən məlumata görə, İlqar Əliyevin üzərinə baxış zamanı bükümlər formasında marixuana aşkar edilərək götürülüb. Saxlanılan şəxs narkotik vasitəni satmaq məqsədilə əldə etdiyini bildirib.
