Dörd il öncəyə qayıdaq... 9 Noyabrda gecəsini gündüzünə qataraq üçrəngli bayraqlar tikən Tovuzda yaşayan dərzilərimizdən, ana və qızı barədə o vaxt da yazı təqdim etmişdik. 44 günlük Vətən müharibəsində hər kəs kimi, bütün peşə sahibləri kimi, dərzilər də boş dayanmır, bayraqlar tikirdilər. Bayraq Günündə həmin dərzilərə dörd ildən sonra yenidən baş çəkdik. O günləri xatırlayan dərzilər bayrağa olan sevgilərindən, vətəndaşlıq borclarından bəhs ediblər.
AZƏRTAC xəbər verir ki, 44 günlük Vətən müharibəsi dövründə arxa cəbhədə hər kəs peşəsi ilə döyüşlərdəki Qələbəyə öz töhfəsini verməyə, döyüşçülərimizə dəstək olmağa çalışırdı. Onlardan biri də məhz dərzilər idi ki, gecə-gündüz dayanmadan bayraq tikirdi.