Xocavənd şəhərində 1188 evin bərpası nəzərdə tutulub - 728-i hazırdır
26.05.2026 [12:43]
Vətən müharibəsində qazanılan tarixi Zəfərdən sonra Qarabağın hər bir guşəsində dövlətimiz tərəfindən misli görünməmiş genişmiqyaslı bərpa və quruculuq salnaməsi yazılır. İşğaldan azad edilmiş şəhər və kəndlərdə müasir standartlara uyğun yeni yaşayış məntəqələri salınır, ən son texnoloji yeniliklərə əsaslanan infrastruktur layihələri reallaşdırılır və illərdir yurd həsrəti ilə yaşayan insanların doğma torpaqlarına qayıdışı üçün hərtərəfli, təhlükəsiz şərait yaradılır. Prezident İlham Əliyevin rəhbərliyi ilə uğurla icra edilən “Böyük Qayıdış” Proqramı çərçivəsində Qarabağın hər bir nöqtəsində həyat yenidən canlanır. Otuz illik dağıntıların, işğalın ağrılı izləri silinərək, yerini müasir, modern və gözoxşayan yaşayış məkanları tutur.
