Xəbər verdiyimiz kimi, Nigeriyanın məşhur mətbəx verilişi "Foodies & Spice"nin yaradıcı heyyəti "Nigeriya Azərbaycanın Dostları Təşkilatı"nın dəstəyi ilə ölkəmizdə səfərdə olublar. Səfər çərçivəsində Azərbaycanın tarixi, mətbəxi, adət-ənənəsini geniş şəkildə işıqlandırmaq üçün zəngin materiallar toplanıb. "Foodies & Spice"nin aparıcısı Gina Ehikodinin təqdimatında 13 hissədən ibarət "Azərbaycan təamları" filmi hazırlanıb. Film may ayından etibarən bu ölkənin nüfuzlu TVC və digər kanalları ilə həftənin şənbə günləri silsilə olaraq yayımlanacaq.