Bu gündən 5 yaşlı uşaqlar üçün məktəbəhazırlıq qruplarına sənəd qəbulu başlayır. Tətbiq edilən əsas yeniliklərdən biri odur ki, bu il məktəbəhazırlıq qrupunda təhsil alan uşaqlar avtomatik olaraq həmin məktəbin 1-ci sinfinə də qəbul olunacaqlar. "mektebeqebul.edu.az" saytı vasitəsi ilə elektron qaydada aparılan sənəd qəbulu Bakı, Sumqayıt, Gəncə, Mingəçevir, Şirvan, Naftalan şəhərlərində, eləcə də Abşeron, Yevlax, Samux rayonlarında yerləşən məktəbləri əhatə edəcək.