Kəmaləddin Heydərov: Torpaqlarımızın azad edilməsi dahi liderin ən ümdə vəsiyyəti idi
12.12.2021 [15:57]
Prezident, Müzəffər Ali Baş Komandan İlham Əliyevin ötən il Vətən müharibəsinin sonlarında işlətdiyi bir ifadə Azərbaycan xalqının yaddaşına həkk olundu. Dövlətimizin başçısının Şuşanın azad edildiyi gün Azərbaycan xalqına müraciətində ata vəsiyyətini yerinə yetirdiyi üçün xoşbəxt olduğunu söyləməsi unudulmaz məqamlardan biridir. Ulu öndər Heydər Əliyev Azərbaycana rəhbərliyinin hər iki dövründə ölkəmizin suverenliyi, inkişafı, xalqımızın mənafeyi uğrunda misilsiz xidmətlər göstərib. Torpaqlarımızın işğaldan azad edilməsi həqiqətən də dahi liderin ən ümdə vəsiyyəti idi. Ulu Öndərimizin siyasətinin layiqli davamçısı Prezident, Müzəffər Ali Baş Komandan İlham Əliyev bu vəsiyyəti yerinə yetirdi.
AZƏRTAC xəbər verir ki, bunu fövqəladə hallar naziri Kəmaləddin Heydərov jurnalistlərə müsahibəsində deyib.
