AZƏRTAC-ın təşkilatçılığı ilə Cəbrayılın ən böyük kəndlərindən olan Horovlunun bir qrup sakini Novruz bayramında doğulub boya-başa çatdıqları torpağı ziyarət ediblər. Doğmalarının, yaxınlarının dağıdılıb viran edilmiş qəbirlərini mina təhlükəsi baxımından ziyarət etmək şansları olmasa da, o yurd yerlərində 30 il əvvəl qeyd etdikləri bayramlardan ürək dolusu danışdılar. Sonuncu dəfə 1993-cü ildə bu kənddə qeyd edilən Novruzun şənliyini hələ də unutmayan kənd sakinləri, bu torpaqlara qayıdıb yenidən o çal-çağırlı günlərə dönəcəklərini səbirsizliklə gözləyirlər.