Belə forumlar dövlət xidmətləri sahəsində ən yaxşı təcrübələri bölüşmək və ən uğurlu konseptlərdən istifadə edərək vətəndaşlara faydalı və səmərəli xidmətlər göstərmək baxımından çox əhəmiyyətlidir. Biz bu gün Azərbaycanın uğurlu “ASAN xidmət” modeli sayəsində vətəndaşlarımıza yüksək səviyyədə xidmət göstərə bilirik.
AZƏRTAC xəbər verir ki, bu fikirləri Bakıda Birləşmiş Millətlər Təşkilatı və Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin birgə təşkilatçılığı ilə keçirilən BMT-nin Dövlət Xidmətləri Forumunun iştirakçısı, Əfqanıstanın “ASAN xidmət” idarəsinin baş direktoru Məhəmməd Çəmkənay səsləndirib.