MÜSAHİBƏ


Nigar Arpadarai: Avropa məkanındakı bütün təsisatların islahata ehtiyacı var

Avropa Şurası Parlament Assambleyasının yaz sessiyasının zəngin proqramı var. Bir çox vacib məsələlərin müzakirəsi nəzərdə tutulur. Həmişəki kimi sessiyanın ilk günündə Büronun hesabatı dinlənildi. Bundan sonra nümayəndə heyətlərinin üzvləri onları maraqlandıran məsələləri gündəmə gətirir və suallarla müraciət edirlər.
Ermənistan nümayəndə heyətinin üzvləri həmişəki xislətlərinə uyğun olaraq eyni təcavüzkarcasına Azərbaycana və Türkiyəyə qarşı nifrət dolu çıxışlar səsləndirdilər. Bu, təəssüf doğurur, çünki Ermənistan rəhbərliyi ilə sülh danışıqları başlayır. Azərbaycan sabitlikdən, gələcəkdən, sülhdən danışır. Ancaq erməni nümayəndə heyətinin üzvləri əvvəlki ritorika ilə davam edirlər. Biz də öz növbəmizdə ölkəmizin maraqlarına uyğun məsələləri gündəmə gətirdik. Eyni zamanda, qardaş Türkiyəni dəstəklədik.
Bu sözləri AZƏRTAC-a müsahibəsində Azərbaycanın AŞPA-dakı nümayəndə heyətinin üzvü Nigar Arpadarai deyib.