Erməni terrorçularının törətdiyi təxribata Azərbaycan Ordusu qətiyyət və böyük şücaətlə cavab verib. Bu bir daha Azərbaycanın öz ərazi bütövlüyünü, suverenliyini qorumağa və qarşı tərəfin isə sülhə razılıq verməyinin çox vacib olduğunun göstəricisidir. Bu fikirləri AZƏRTAC-a açıqlamasında Müharibə, Əmək və Silahlı Qüvvələr Veteranları Təşkilatının sədr müavini, hərbi-siyasi ekspert, polkovnik Cəlil Xəlilov sentyabrın 12-də Ermənistan ordusunun Azərbaycanla dövlət sərhədində həyata keçirdiyi irimiqyaslı təxribatın səbəblərini, həmin təxribatın mövcud nəticələrini şərh edərkən deyib.