“İdman şəhəri Bakıda olduğumuz üçün çox məmnunuq. Hələ də bəzi ölkələr pandemiyadan sonra fəaliyyətini bərpa edə bilməyib. Ancaq Azərbaycan çox qısa müddətdə bu vəziyyətə gözəl reaksiya göstərdi”. AZƏRTAC xəbər verir ki, bu sözləri Dünya Hərbi İdman Şurasının (CİSM) Balkan, Qaradəniz və Qafqaz ölkələri üzrə idman koordinatoru Nevzat Varol hərbçilər arasında Bakıda keçiriləcək güləş üzrə 36-cı dünya çempionatı ilə bağlı jurnalistlərə açıqlamasında deyib.