Ukraynalı deputat: AŞPA və Azərbaycan əməkdaşlığından hamımız faydalanacağıq
03.10.2024 [16:40]
Xəbərin mətni
Azərbaycan sivil dünyanın bir hissəsidir, Avropa ailəsinin üzvüdür. Biz Azərbaycan nümayəndə heyətini yenidən Avropa Şurası Parlament Assambleyasında görmək istəyirik. Mən Azərbaycan nümayəndə heyətinin səlahiyyətlərinin məhdudlaşdırılmasına səs verməmişdim.
Bu fikirləri AŞPA payız sessiyası çərçivəsində AZƏRTAC-a müsahibəsində qurumdakı Ukrayna nümayəndə heyətinin üzvü Oleksii Qonçarenko deyib. O bildirib ki, bu təşkilata üzv ölkələrin nümayəndələri birlikdə olmalıdırlar. Azərbaycan da bu ailənin üzvüdür və AŞPA-da öz yerini tutmalıdır.
