Son 6 ildə 26 baş plan hazırlanaraq təsdiqlənib.
AZƏRTAC xəbər verir ki, bu barədə jurnalistlərə açıqlamasında Dövlət Şəhərsalma və Arxitektura Komitəsinin sədri Anar Quliyev bildirib.
"Hazırda bütün ölkə üzrə 16 baş plan üzərində iş gedir. Onlardan 9-u yekun mərhələdədir, müvafiq qurumlarla razılaşdırma işi başa çatdırılır. Bundan sonra Nazirlər Kabinetinə təsdiq üçün təqdim olunacaq. İsmayıllı şəhərinin Baş planı da onlardan biridir".