Səudiyyə Ərəbistanının nümayəndəsi GlobE şəbəkəsinin 6-cı Plenar iclasından gözləntilərini açıqlayıb
20.05.2025 [16:31]
“Bu mənim Bakıya ilk səfərimdir və düşünürəm ki, bu şəhəri ziyarət etmək iki fərqli amili özündə birləşdirir. Həm qədim şəhəri, həm də yeni binaları və müasirliyi görmək fürsətimiz oldu. Mən İçərişəhəri gəzdim və xüsusilə gecələr işıqlarla parlayan Alov Qüllələrini görmək mənim üçün valehedici idi. Bakıda olmaqdan, xüsusilə bu qlobal toplantıya qatılmaqdan məmnunam”. Bunu jurnalistlərə müsahibəsində BMT-nin Korrupsiyaya qarşı mübarizə aparan hüquq-mühafizə orqanlarının Qlobal Əməliyyatlar Şəbəkəsi - GlobE Network - çərçivəsində Bakıda keçirilən altıncı plenar iclasının iştirakçısı, Səudiyyə Ərəbistanının Nəzarət və Korrupsiyaya Qarşı Mübarizə Təşkilatının nümayəndəsi Meşari Əl-Ətiyyə deyib.
