Astanada “Atalar mirası” multimedia portalının təqdimatı olub
28.11.2017 [17:13]
Xəbərin mətni
Qazaxıstanın paytaxtı Astanada Beynəlxalq Türk Akademiyasının təşkil etdiyi “Atalar mirası” multimedia portalının təqdimatı olub.
Beynəlxalq Türk Akademiyasının prezidenti Darxan Kıdırali tədbirdə xatırladıb ki, 2015-ci ildə Türkdilli Dövlətlərin Əməkdaşlıq Şurasının Astanada keçirilən 5-ci Sammitində dövlət başçıları türk dünyasının mənəvi və mədəni dəyərlərini bir araya gətirən ortaq layihəyə başlamaq barədə göstəriş vermişdilər. Atalarmirasi.org multimedia məlumat bazası da bu göstərişin nəticəsi olaraq həyata keçirilən böyük bir layihədir.
