Bu fikirləri İSİM-nin səhiyyə siyasəti və planlaşdırma şöbəsinin müdiri Nabil Seyidov AZƏRTAC-a müsahibəsində bildirib.
O qeyd edib ki, yay mövsümü ilə əlaqədar infeksiyaya yoluxma halları azala bilər. Bunu eyni zamanda qripdə də müşahidə edirik. Qrip qış xəstəliyi deyil, ona həm yayda da yoluxmaq olur. Bunun müsbət tərəfi odur ki, yayda insanlar məzuniyyətə çıxırlar, istirahətə gedirlər, küçədə çox olmurlar. Ona görə də yay aylarında qrip çox yayılmır. Biz ümid edirik ki, yay aylarında koronavirusla bağlı eyni tendensiyanı müşahidə edəcəyik.