Səhiyyə Nazirliyi: Evdə müalicə olunan COVİD-19 xəstələri dərmanlarla təmin olunacaq
30.06.2020 [18:36]
Evdə müalicə olunan COVİD-19 xəstələri dərmanlarla təmin olunacaq.
AZƏRTAC xəbər verir ki, bunu Səhiyyə Nazirliyinin Aparat rəhbəri Nadir Zeynalov Nazirlər Kabineti yanında Operativ Qərargahın bu gün keçirilən brifinqində deyib.
Ev şəraitində müalicə edilənlər COVİD-19-a yoluxan, ancaq simptomsuz olan və yüngül əlamətləri, toksik dərmanlarla müalicəyə ehtiyacı olmayan xəstələrdir.
Nazirlik rəsmisi əlavə edib ki, evdə müşahidə altında saxlanılan şəxslərin immun sistemini gücləndirən yüngül dərmanlarla, əsasən vitaminlərlə müalicəsi nəzərdə tutulur.
